Herritarren beharrizanak asetzeko helburuari jarraituta, Udalak umeentzako jolasleku estali barri bat egingo dau Mungian.

Udaleko teknikariek azterketa sakona burutu ostean, espazio hau jartzeko lekurik egokiena Goieta Plaza dala ondorioztatu zan, erdigunean dagoalako, olgetako eremu zabal eta laua dalako eta irisgarritasun ona daukalako. Goieta Plazako jolas-gunea goitik behera aldatuko da, baita gomazko behea bere. Barriztu egingo dogu eremu hori.

Goieta Plazako umeentzako jolasleku barriak 300m2 ko estalpea eukiko dau.

Honen bidez, bai gure herriko umeei, bai euren gurasoei bere, eguraldiak laguntzen ez dauen egunetan erabilgarria izango dan jolasleku bat eskainiko jake, bizikalidadea hobetzeko.

Herritarren parte-hartze prozesua - Zure eretxia jakin gura dogu

Hiru proposamen aurkezten deutsuguz, Goieta Plazako jolasleku barrian ipiniko diran elementuen estiloa zein izango dan zehazten laguntzeko:

• ​A proposamena
• B proposamena
• C proposamena

Hauek Udal Kiroldegian ikusgai egongo dira, zemendiaren 27tik abenduaren 11ra arte.

Prozesu honetan parte hartu gura badozu, gehien gustetan jatzun proposamena aukera zeinke, zure eretxia Kiroldegian iminita egongo dan postontzian sartuz.

(1=gitxien gustetan jatana // 2=bigarren lekuan aukeratuko neuke // 3=gehien gustetan jatana)

Derrigorrez jarri behar dira hiru aukerak

Oharra:Prozesu hau ez da erabakiorra, orientatzeko balio dau.

http://www.mungia.org/noticias/-/publicador/goieta-plaza-nueva-zona-de-juegos-cubierta/A8xrZI2uUhKE?p_p_auth=aTHX76AI