Udal hauteskundeetarako programaren betetze maila eta hurrengoetarako eaj-pnv-ren hautagaia

2015eko udal hauteskundeetatik hona EAJ-PNVren gobernu taldeak Hauteskunde Programaren %90 bete du. EAJ-PNVk argi dauka bere konpromisoa herriagaz. Programa indartsua izan zen eta betetzen ari da. Orri hauetan ezin gara xehetasunetan hasi, baina argi ikusi daiteke Hauteskunde Programan egon ez diren hainbat ekimen garrantzitsu ere gauzatu direla; izan ere, beharrezkoa izaten da herritarrak entzutea, eta sortu daitezkeen beharrizan eta aukera berriei ekiteko prest egotea.

Pentsio-sistema publuko duin baten aldeko borroka eta lana

Pentsiodunak eta pentsiodunak ez garenok mugitu egin gara; batzuetan erreibindikazio orokorrak planteatu ditugu (pentsio sitema duin bat), beste batzuetan zehatzak (honenbeste honelakoentzat). Seguruenez mugitzen jarraitu beharko dugu, bai ataza edo borroka honetan, bai beste askotan. EAJ-PNVren helburua Euskadiko Pentsio Sistema Publiko bat lortzea da, pentsio sistema sendo eta luzarorakoa garantizatuko lukeena, gaur-gaurkorako eta 40 urte barrurako soluziobideak bilatu behar ditugu eta.

Erabakitzeko eskubidea XXI.mendeko demokrazia baten oinarrizkoa da Autogobernua eta ekainaren 10eko giza katea

Gaur egun ez daukagu onartuta kontsultatuak izateko eskubidea eta are gutxiago kontsulta horren emaitzak kontuan izateko eskubidea. Ez behintzat herritarrok politikoki eta administratiboki antolatu gura dugun eraren gainean. Eta eskubide honen alde demokrata guztiok egin beharko genuke bat, abertzaleak izan zein ez

ETAren amaiera?

Komunikabide guztiak ETAren amaiera-eguna zela-eta zebiltzan egun berean, gure herrian, Mungian, hainbat eta hainbat pintada agertu ziren, talde horri eskerrak emanez (Herriaren izenean, jakina,) eta eurek egindakoa goraipatuz.

Enplegua eratzea, gazteei etxebizitza bat euren kabuz eskuratzen laguntzea eta mungiarren gizarte-ongizatea dira 2018rako aurreikusitako proiektuetako batzuk

Mungiako Udalak kalitatezko zerbitzu publikoak bermatzeko lan egiten jarraitzen du. 2018ko jardunaldiko udal kudeaketarako Gobernu taldeak ezarritako estrategia-lerroei jarraituz, enplegua, gazteei etxebizitza bat euren kabuz eskuratzen laguntzea eta mungiarren gizarte-ongizatea dira aurreikusitako proiektuetako batzuk.

MUNGIAN ETA MUNGIARRENTZAT

EAJ-PNVren helburua Euskadi, Euskal Herria, Europako estatuen artean beste bat izatea da. Baina ez edozelakoa; eta ez edozelan. Berton bizi diren eta biziko diren pertsonentzakoa izan beharko du; eurak, herritarrak, dira gure erreferentzia bakarra. Herri txikia gara, erraldoien artean biziraun duena, inperio indartsuen eta estatuen gaindiko indar ekonomikoen eraginpean dagoena. Errealitate horren jakinean gagoz, eta badakigu estrategia egokiak asmatu behar ditugula guztiontzat nahi dugun gizartea lortzeko. Horretarako aukera bi dagoz: indarra erabiltzea ala negoziatzea. EAJ-PNVk honen alde egingo du; eta, logikoa denez, lagun-lagunekin ez dugu negoziatu behar izaten. Dagoena dago eta daudenak daude. Hori bai, saltatu ezinezko troka sakonak dauzkagu: demokrazia eta jendearekiko errespetua bezalako printzipioak eta gure helburu nagusiak inoiz ez hipotekatzeko erabaki sendoa. Horixe da gure lerro gorria, Espainian zein Euskadin edo Euskal Herrian; eta jakina, Mungian. Ez gagoz beste batzuek porrot noiz egingo itxaroten egoteko moduan; hori luxua litzateke guretzat. Ezin gara egon dena ala ezer ez. Ibilian jardun behar dugu beti, lortu dugunari eusten eta, aldi berean, aldaketan, urrats txikiak eman eta eman, horrela urrats handiak emateko aukerak prestatzen gabiltzala. Euskadin eta Mungian. Mungian herrigintzan ibiltzea aberrigintzan ibiltzea da. Horixe da gure esku dagoena eta horixe egin dezakeguna. Urtarrileko Osoko Bilkuran, Mungiako EAJ-PNVk 2018rako aurrekontu proposamena aurkeztuko du. Banandu eta dosifikatu egin behar dira eskuartekoak. Eta erabakiak hartzea dagokigu. Dena da kritikagarria; eta eskertzekoa litzateke alternatibak egotea. Gutxieneko zorroztasunez, hori bai. Mungiako EAJ-PNVren aldetik proposamen bat baino ez da, herritar guztiok gustura eta etxean senti gaitezen Euskadi bat egiten, Euskal Herri bat egiten, laguntzeko proposamen bat, besterik ez.

Aitor Estebanek hitzaldia eskaini du Mungiako Torrebillelan

Gabonetako Azoka

Mungiako Gabonetako Azokaren hirugarren edizinoa egingo da abenduaren 20tik 24ra, Euskal Pizkundearen Etorbidean

GOIETA PLAZA - Jolasleku estali barria

Hiru proposamen daukazuz, jolaslekuan ipiniko diran elementuen estiloa zein izango dan zehazten laguntzeko

Udal aurrekontua

Mungiako Udalaren 2017rako Aurrekontu Orokorra. Aurrekontu hori Udalaren eta erakunde publikoen aurrekontuek osatzen dute.

LANEAN GABILTZA ETA LANEAN JARRAITU NAHI DUGU

Hauxe izango da gure lehentasunik nagusienetako bat. Izan ere, ezin gara lasai bizi gure inguruan lan egiteko gogoz baina lan egin ezinik dauden mungiarrak ikusten ditugun bitartean. Ezin gara kanpotik begiratzen gelditu lan-gaiak ez direlako Udalaren eskumenekoak. Egin egin behar dugu.