HARREMANETARAKO
WWW.EAJ-PNV.EUS
Berriak
BERRIA
2017/11/29
BETETZEN ARI GARA GURE UDAL HAUTESKUNDE PROGRAMA?
KONTUAK EMATEN Udal legealdiaren erdigunera ailegatu garela eta, aztertzen aritu gara gure udal programaren betetzea maila. Egia da askotan egoerak eta zirkunstantziak aldatu egiten direla, zoritxarrez dena ez baitago gure esku eta gureak baino indartsuagoak diren eraginen menpe gagozela, baina berba eman dugu eta eutsi egin behar diogu. Eta kontuak emateko ardura daukagu.
Eusko Legebiltzarra
2017/11/24
Emakumeen eta gizonen arteko harremanak “berdintasunean, errespetuan eta askatasunean” oinarrituta egon daitezen lan egingo du EAJ-PNVk
Legebiltzarkide jeltzaleek emakumeen aurkako indarkeria gaitzetsi dute eta; halaber, herritarrei deia luzatu diete Emakumeenganako Indarkeriaren Kontrako Nazioarteko Eguneko hainbat ekitalditan aktiboki parte hartzeko
BERRIA
2017/11/12
Kanpoko igerileku barriak - diseinu-proposamen parteartzailea
Kanpoko igerileku barrien diseinu-proposamena ikusgai daukagu Udal Kiroldegian, zemendiaren 10etik 24ra arte 2017/11/11
MUNGIA
2017/11/07
Mungiako Uriguen haurreskolak itxura berria du
Eraikinean barrikuntzak egin dira ikasturte hasierarako
BERRIA
2017/10/30
MUNGIAKO EGIren OHARRA
- Gure errespetua eta onarpena Kataluniak aurrera eramandako prozesu demokratikoari eta sortutako kataluniar Errepublika independiente eta soberanoari. - Kataluniak erakutsi duen jarrera demokratikoaren aurrean Espainak erabilitako neurri inposatzaile eta antidemokratikoak salatzen ditugu. - Era berean, Jordi Cuixart eta Jordi Sanchez herritarrak berehala eta baldintza barik libre uztea eskatzen diogu espainar estatuari. - Egoera honen aurrean urriaren 27an Alderdi Popularrak, Alderdi Sozialistak eta Ciudadanosek hartutako neurri inposatzaile eta errepresiboak guztiz ukatzen eta salatzen ditugu. - Azkenik, abertzale moduan, gure babes eta laguntza guztia eskaintzen diogu Kataluinar herriari. EZ ZAUDETE BAKARRIK, ZUEKIN GAUDE!
BERRIA
2017/10/27
Noraino?
Espainiako gobernua, aspaldi (betidanik?) ari da erabiltzen estatuaren egiturak XXI. mendeko demokrazia europear batean berezkoak eta ohikoak izan beharko luketen gizarte-askatasunak muriztu, txikitu eta akabatzeko; gizartearen zerbitzuan egon beharko luketen egiturak, paradogikoki Espainako gobernuaren Ordezkariordetzak errekeritu egin dio Mungiako Udalari herriko plaza batean egun batzuk daramatzan estelada kendu dezan; egoitza ofiziala ere ez da, baina berdin dio, antza. Antza denez, adierazpen askatasunaren kontra ez ezik, elkartasuna adierazteko eskubidearen kontra ere joko dute. Lotsa barik. Bukatuezineko amets beltza da. Oraingoz, Mungiako EAJ-PNVko egoitzan lazo horiak ipiniak ditugu orain arte Katalunyan atxilotu dituztenekin elkartasunean, zoritxarrez luzarorako egon beharko dutenak gobernu espainiarraren (eta ingurukoen) izakera ikusita. Honi erantsita doakizue Mungiako Alkateak hau dela eta argitaratu duen bandoa. Guztiz ados. Mungiako egi
Bizkaiko Foru Aldundia
2017/10/27
Bizkaiak 1.194 milioi euro izango ditu herritarrentzako zerbitzuak hobetzeko eta inbertsio publikoa berreskuratzeko
Bizkaiko Foru Aldundiak 7.813,2 milioi euroko aurrekontu-proiektua onetsi du 2018. urterako , eta horietatik 1.193,7 milioi sailen esku egongo dira
Bizkaiko Foru Aldundia
2017/10/17
Bizkaiko udalek 819 milioi euro jasoko dituzte Udalkutxatik 2018an
Horrela onartu da Bizkaiko Finantzen Lurralde Kontseiluan, gaur eguerdian, eta aurten jasotako diru kopuruaren aldean % 3ko gehikuntza izango da
BERRIA
2017/06/30
Mungiako herritarrekin hartutako konpromisoa betetzen goaz.
2015ean udalerako talde bat eta ideia batzuk aurkeztu genizkien mungiarrei. Orduan ere, bagenekien herritar guztiekin hartzen genuela konpromisoa, gure alderdiari botoa eman zein ez. Behin eta berriz ematen dute euren kontuen berri gure ordezkariek batzarretan, baina EAJ-PNVk konpromisoa mungiar guztiekin hartzen du beti. Martxoan alderdi barruko hausnarketa-jardunaldia egin genuen. Egindakoaren gaineko hausnarketa autokritikoa izan zen. Udal taldea eta beste hainbat militantek udal programan aurkeztu genuenaren eta egiten ari garenaren arteko konparazio-azterketa ere egin genuen. Pozik gagoz orain arte betetakoarekin eta kemena eta gogoak sobran dauzkagu oraindik falta dena biribiltzeko. Eta hausnarketa edo autokontrol hori mungiar guztiekin partekatu nahi dugu. Gure webean, mungia.eaj-pnv.eus, azaltzen hasi gara konparatiba hori, atalka, eta oharrak, kritikak edo proposamenak batzen joatea espero dugu.
BERRIA
2017/06/29
Berreagamendirako (Bilbaina) soluzio-bide bat aurkeztu du EAJ-PNVk
Berreagamendiko Komunitateko ordezkariek bide judizialetik baino ez joatea erabaki zuten eta udal ordezkariekin akordio bat bilatzeari ezetz biribila eman zioten. Hori zela eta, Mungiako EAJ-PNVk eta ACMB partiduok soluzio bat bilatzeari ekin eta akabuan akordio proposamen bat aurkeztu dugu, Berreagamendiko komunitateak onartuz gero Udal Osoko Bilkurara aurkeztuko genukeena. EAJ-PNVk ez du nahi eta ezin du Udalaren izenean jardun, baina proposamen zehatzak egiteko ardura dauka, adostearen, akordioaren bidea beti onena izaten da eta.
BERRIA
2017/06/29
Mungian denok eskubide eta arau berberekin jokatu behar dugu; baita Torrebillelako errota eurentzat hartu nahi dutenek ere.
Argi eta toles barik esateko: talderen batek, gazteak izan zein ez, euren lokal bat eduki bahi badu, ordaindu egiten du; denon moduan. Elkarteren batek programa bat badauka eta lokal bat behar badu, proiektu bat aurkeztu eta, posible den kasuetan, itun edo konbenio bat egiten da eta, egoki baderitzoe, Udal Batzan ohartzen da. Inork ezin du herriaren lokal edo lur sail bat indarrez hartu. Herritar guztien zein gazteria osoaren izenean egiten badu ere. Ez da jolas hutsa. Arazo serioa da, oinarrizko elkarbizitza-arauen kontua. Horren alde egiten duenak berak jakingo du zein gizarte mota proposatzen duen eta publikoa eta pribatua banatzeko zein irizpide erabiltzen duen. Eta are onartuezinezkoagoa da hori, jakinda leku horretan errota berreskuratzeko egitasmo bat dagoela, udal talde guztiek onartutakoa. Gauza jakina da Udal gobernu-taldetik hainbat bider eskatu zaiela, proiektu zehatz eta serio bat edukiz gero, aurkezteko; ez dute egin. Mungian badaude gazteentzako beste lokal publiko batzuk, Gaztegunea kasu (daukan eskaera-maila kontuan izanda, hobetu beharko litzatekeela uste dugu) edo Mungirock kontzertu eta musika-saioetarako (eta bide batez: hor, ia guztiz autogestionatuta, gehiago aprobetxatu litekeen lan polita egiten ari dira, gure ustez).
BERRIA
2017/06/29
Hainbat hitzaldi denon intereseko gaien gainean; Mungian, pentsioei buruz.
Mungialdean aurten horrelako hiru hitzaldi egin ditugu; EAJ-PNVko herri-erakundeek antolatutakoak izan dira. Bakion Euskadiko gizarte-laguntza sistemari buruzkoa, Enplegu eta Gizarte Politiketarako Beatriz Artolazabal Sailburuagaz. Laukizen Europar Batasuneko egituren gainean Izaskun Bilbao europarlamentariagaz.; eta Mungian pentsioen etorkizunari buruzkoa Emilio Olabarriagaz. Azken honetan, hizlariak espainiar estatuaren pentsio sistemaren azterketa zehatza egin zuen, batez ere, pentsio-sistemak daukan eszenarioa dela-eta, inorentzako interesgarria bada, gazteentzat eta pentsiodun izango direnentzat baita. Oso baikorra ez zen izan azaldu zuen panorama, baina argi utzi zuen gure planteamenduekin bideragarria izango litzatekeela Euskadiko pentsio-sistema propio bat. Beste alde batetik, ez zion muzin egin irtenbide pertsonalei buruz iritzia eta aholkuak emateari. Irailetik aurrera ostera ere ekingo diogu hitzaldi irekien programa honi.
