Erabakitzeko eskubidearen alde maiatzaren 7an egin genuen herri-galdeketa.

Maiatzaren 7ko kontsultan, parte hartzea %20ren inguruan izan zen Mungian. Gure ustez, egindako galderari emandako erantzuna gutxienekoa zen. Logikoa denez, herri txikiagoetan parte hartzea handiagoa izan zen, bain badirudi 15.000 bizilagunetik gorako herrietan, salbuespenak salbuespen, hortxe-hortxe dabilela parte hartzea, %20-25. Ez dakigu asko ala gutxi den, kontsulta hauek gauzatzen diren egoerak eta baldintzak kontuan izanda. Hainbat herritar piztu eta mobilizatu gara eta ikusi ere egin dugu hasitako bideak dauzkan zailtasunak. Harrokeriarik ez, baina ezta etsipenik ere. Bide luzea daukagu erabakitzeko eskubidea bezain oinarrizkoa den eskubide bat guztiz errotu dadin gure gizartean eta estatuan. Eta honetan ere geure parte hartzea derrigorrezkoa da.

Jai Batzordea: zorionak eta mila esker. Parte hartutako aurrekontuetarako beste esperientzia bat.

Jai Batzordeak jaien aurrekontua erabakitzen du. Jai Batzorde hau honela osatzen da: hiru zinegotzi (3), lau teknikari (4) eta parte hartzeko prest egon diren herriko elkarteetako hamaika (11) ordezkari. Parte hartze irekiaren adibidea da eta erabakiak teknikaririk onenak bezain ondo (gutxienez) erabakitzeko gai dira bertako kideak; hilabeteak eman dituzte beharrean eta aurtengo programan aldaketatxo batzuk egitea erabaki dute. Errazena geldirik egotea eta ezer ez egitea izango zen. Talde bakoitzak edo auzoko bakoitzak, dauzkan interesen arabera, ondo edo txarto iritiziko dio programaren halako atalari; besteren batzuk, ordea, hori dela eta poztu egingo dira. Hala izaten da. Gure aldetik, EAJ-PNVtik, egiten dabiltzan lana eskertu egin nahi diegu eta zoriondu. Eta, ahal dugun laguntasun osoa eman, jakina.

Aurrekontuetan ere, parte hartzeko benetako prozeduren alde gagoz.

Mungiako EAJ-PNVk Mungian Herrigintzan aldizkaria kaleratu berri du

Zure etxean jaso ez ba duzu hemen irakur dezakezu.

2017an dagoen diru-gerakina zelan erabili: horra gure proposamenak.

2017rako aurrekontuek bestela jokatzeko aukera murritzak eskaintzen zituzten. Zergak igotzea baztertu genuen, egoera zela eta; izan ere, urteko udalaren diru-sarreren %90etik gorakoa kateatuta zegoen: langile-gastuak (batzuen ustez, antza, hauek guztiak sobran daude), diru-laguntzak, mantenua, zerbitzuak... Inbertsioetarako gera zitekeena (561.300 €, aurrekontuaren %3) gobernu-talde honek auzoekin daukan konpromisorako erabili dira (125.000 € urtean) eta baita Goieta plazan egin beharreko aisiladi-estalpe berrirako ere.

Alderdiok aurrera egiteko, hobetzen ahalegintzeko, soluzioak bilatzeko eta aldaketak egiteko gagoz.

Eta horixe da Mungiako eta Mungiatik gorako EAJ-PNVren jokabidea. Orri hauetan eta gure webean, gure eginbeharrak horrela ulertzeko modua erakutsi nahi dugu, eta baita gure proposamenak zeintzuk diren ere. Errazena sloganak, mezu laburrak edo leloak erabiltzea da; baina horrela, gehienetan, errealitatearen gaineko hausnarketa-falta ezkutatzen dugu: zer dagoen, zer daukagun eta zenbateko indarrak dauzkagun herri bezala horri eusteko edo hori aldatzeko. Izan ere, ez du ezertarako balio arazoa mahai gainean ipintzeak eta proposatzen den soluzioa ezkutatzeak, batzuek egiten duten moduan. Ez du ezertarako balio kexa hutsean bizitzeak, errua beti inori botatzen ibiltzeak eta erabakiak hartu behar diren momentuan, busti barik geratu nahi izateak. EAJ-PNVk, maila guztietan, hitza eman du herritarren aurrean, eta hauek badakite, badakigu, berbari oratu egingo diogula. Baina lortutakoari eustea ez da nahikoa gure pentsakeran. Beti saiatu beharko dugu, gutxienean, aurrera-pausu bat egiten, aurrerapausu zehatza, ikusi egiten dena. Badakigu, jakin, zein diren gure indarra eta pisua, Herri bezala. Badakigu, jakin, zeintzuk diren Udal batek dauzkan mugak arazo batzuei aurre egiteko momentuan. Eta ikasi dugu, ikasi, desberdinen arteko akordioa dela luzarorako irtenbideak uzten dituen bide bakarra.

EAJ-PNVk emakume abertzaleak omendu ditu, beraiek direlako “ideario jeltzalearen benetako igorleak”

500etik gora emakume Sabin Etxean omendu dituzte emozioak, musika, umorea eta ezusteko pozgarriak uztartu dituen ekitaldian; Itxaso Atutxak eta Andoni Ortuzarrek hitz hunkigarriak eskaini dizkiete emakumeei, euren artean Urkullu Lehendakaria izan delarik

¿Qué significa realmente trabajar por una Euskadi para todos y todas?

La acción social es una de las marcas fundamentales de EAJ-PNV; nuestro objetivo en estos tiempos ha sido mantener lo que tenemos y avanzar unos pasos más. Pero esto hay que demostrarlo día a día, no en campañas lectorales.

Abenduaren 15ean ohizko Batzarra

Abenduaren 15ean, eguena, zazpiak eta laurdenetan (19:15) lehen deialdian eta 19:30ean bigarren deialdian; Batzokian.

Urkulluk Euskadiko gazteriari: “Botoa emateak merezi du eta EAJren botoa da egoerarekin ados ez dagoenak eta gauzak aldatu nahi dituenak ematen duena”

Bilboko Areatza txiki utzi duen 6.000 alderdikide eta alderdizaleren aurrean, Lehendakariak, Andoni Ortuzarrek, Joseba Egibarrek eta Josu Erkorekak euskal herritar guztiak deitu dituzte "Euskadik etorkizuna jokoan izango duen" hauteskundeetan parte hartzera.

EAJk botoa eskatzen du “gizarte justuagoa eta herri libreagoa lortzeko”

“Igandean aukera argia daukagu herri honek aurrera egiten jarrai dezan”, esan du Joseba Egibarrek, kanpainako azken egunean. “Euskaldunon eskutik iritsi gara honarte, eta beraiekin eskutik jarraitu nahi dugu aurrera egiten”, erantsi du.

Mungiako Udalak antzinako errotako lokalak itxi egin ditu.

Mungiako Udalak antzinako errotako lokalak itxi egin ditu eta, betiko moduan, ehbildu-k aprobetxatu nahi du hori (ikusi euren web-a) bere ardurak ezkutatzekoeta orain arte hor eragiten ibili izana kamuflatzeko.