Badago programa horren zati txiki bat legealdia amaitu baino lehen beteko dena, baina aitortu ere aitortu behar dugu badagoela zerbait bete ezingo duguna. Hauxe gertatu zaigu Arnaga inguruan (rugby zelaiaren alboan) parking ireki bat eraikitzeko izandako egitasmoarekin. Horretarako  Uraren Euskal Agentziaren (URA) baimena behar zen, urak hartzeko moduko ingurua baitzen, eta, azkenean, ez da posible izan. Berbakoak gara, baina, batez ere, argiak izan nahi dugu gure herrikideekin.

Beste alde batetik, EAJ-PNVk azaldu behar zuen zein izango den bere hautagaia Alkatetzarako, 2019ko hauteskundeetarako; sasoiz. Betiko moduan, lehenengo, Batzar baten proposamenak aurkeztu dira eta beste Batzar baten erabakia hartu da, ixilpeko botazioa eginda. Gure aldetik proposatuko dugun Alkatetzarako hautagaia, beraz, Ager Izagirre Loroño izango da, oraingo alkatea; aho batez izan da. Ez dugu zalantza txikerrenik izan. Eta argi daukagu mungiarrontzat aukerarik onena dela.